लोकलच्या खिडकीतून....

शिवाजी टर्मिनसहून निघाली लोकल,
विजेच्या वेगाने भायखळ्यात दाखल.
गिरणगावातून पुढे अग्रेसर,
स्वामीनारायणासमोर गाठले दादर.
शहराची शीव ओलांडली दणाणत,
कुर्ल्याला आभाळी विमाने लुकलुकत.
उपनगरी वेध लागती घाटकोपरात,
तुरळक झाडी खंडोबाच्या डोंगरात.
लोहमार्गाच्या पूर्वेस सरस्वतीचा विहार,
गोदरेजकारणे मग हिरवळ अपार.
खारफुटी परिसर उगवतीच्या दिशेला,
मुलुंडला रामराम मुंबईच्या वेशीला.
पश्चिमेस शोभे येउर पर्वतराजी,
तलावांचे शहर ओळख श्रीस्थानकाची.
घालून वळसा पारसिक टेकडीला,
नमस्कार माझा मुंब्र्याच्या देवीला.
सुन्द्रीचे वन दिव्याच्या वाटेवर,
बगळ्यांचे थवे खाडीच्या वाऱ्यावर.
संस्कृती आगर जन्मगाव डोंबिवली,
बायकोची ऑर्डर, “उतर, आलं ठाकुर्ली”.
असा होतो प्रवास खिडकीतून बघत,
जाताना सासुरवाडीला रमत गमत.

--- अतुल साठे (© सर्व प्रकाशन हक्क लेखकाच्या हाती - संपर्क atulsathe@yahoo.com )

Comments

Raju Kasambe said…
I liked the poem very much. You need to love the city to write such nice poems. Hearty congrats for the poem. It gave me lot of happiness.
February 26, 2013 at 4:44 PM
Post a Comment

Popular posts from this blog

स्वातंत्र्य

विचारांचं, आचारांचं स्वातंत्र्य, नाही गुलामी, नाही पारतंत्र्य. स्वातंत्र्य मोकळा श्वास घेण्याचं, स्वातंत्र्य शुद्ध पाणी पिण्याचं. रसायन विरहित अन्न खाण्याचं, टुमदार वस्त्यांमध्ये राहण्याचं. गुणानुरूप व्यवसाय निवडण्याचं, खाऊन-पिऊन सुखात जगण्याचं. निसर्ग सान्निध्याचं स्वातंत्र्य, नाही प्रदूषणाचं पारतंत्र्य. स्वातंत्र्य शासक ठरवण्याचं, स्वातंत्र्य रामराज्य पाहण्याचं. शिवाजी महाराजांच्या मनातलं, तुमच्या आमच्या स्वप्नातलं. भारतभूच्या प्रारब्धातलं, साधू संतांच्या वचनातलं. गीतेत वर्णिलेलं स्वातंत्र्य, नाही दहशतीतचं पारतंत्र्य. स्वातंत्र्य पुरुषार्थ करण्याचं, स्वातंत्र्य आनंद शोधण्याचं. आळस, नैराश्यातून मुक्ति, न्यूनगंडाच्या विळख्यातून मुक्ति. मुक्ति भयाण स्पर्धेतून, झापडं लावून धावण्यातून. स्वच्छ दृष्टीकोनाचं स्वातंत्र्य, संतुलित आयुष्याचं स्वातंत्र्य. स्वातंत्र्य दिर्घायुरोग्याचं, स्वातंत्र्य सत्य जाणण्याचं. मर्यादेत उपभोग घेण्याचं, कर्तव्याने वागण्याचं. हिच देवाकडे इच्छा, स्वातंत्र्य दिनाच्या शुभेच्छा! --- अतुल साठे (© सर्व प्रकाशन हक्क लेखकाक...
Read more

मी अनुभवलेली महाराष्ट्रातील वन्यजीव विविधता

Image
दोडामार्ग तालुल्यातील आर्द्र पानझडी जंगल, जिल्हा सिंधुदुर्ग आज महाराष्ट्र दिन! नावातच महा असलेल्या या प्रदेशाला दैदिप्यमान असा सांस्कृतिक , ऐतिहासिक , साहित्यिक , औद्योगिक व आध्यात्मिक वारसा लाभला आहे. भारताच्या जडणघडणीत बहुतांश क्षेत्रांत मोलाची कामगिरी महाराष्ट्राकडून होत आलेली आहे. क्षेत्रफळाच्या दृष्टीने भारतात तिसऱ्या क्रमांकावर असलेल्या महाराष्ट्रात नैसर्गिक संपत्ती सुद्धा विपुल व वैविध्यपूर्ण आहे. पूर्वी याही पेक्षा समृद्ध नैसर्गिक ठेवा इथे अस्तित्वात होता असे जुनी सरकारी राजपत्र किंवा शास्त्रीय अभ्यासकांच्या नोंदी चाळल्या तर लक्षात येते. आजही शिल्लक असलेल्या नैसर्गिक अधिवासांत जैवविविधता विलक्षण आहे. गेल्या दोन दशकांत केलेल्या भटकंतीत अनुभवलेल्या वन्यजीवनाचा पट तुमच्यासमोर मी काढलेल्या छायाचित्रांच्या माध्यमातून मांडतोय. वन्यप्राण्यांची काही छायाचित्रे जिथे उल्लेख केलाय तेथीलच असतील असे नाही. चितळ किंवा कांचनमृग - जगातील सर्वात शोभिवंत समजले जाणारे हरीण, जे फक्त भारतीय उपखंडातच आढळते! मला याचे दर्शन बोरीवली, गोरेगाव, मेळघाट व ताडोबा अशा विविध ठिकाणी झाले आहे. सर्वात लक्षात राही...
Read more

Spring time on Shilonda trail ..

Image
Spring is that time of the year when all trees are sprouting new leaves of myriad colours and flowers of all hues are blossoming all over. Birds are active with their array of melodious calls and whistles and nature dons a new look after the dull winter. This is a time when the forest is as beautiful as it is just after the rains. This spring I chose the Shilonda trail in Borivli National Park in Mumbai, for a Sunday morning walk. I had with me a friend – Ketan – who was taking a nature trail for the first time. My novice nature loving friend did not fail to notice the sudden change in the atmosphere as we entered the forest on my bike from the Borivli gate. A minute ago the road that was full of honking vehicles, exhaust fumes and cement dust even at that early hour (7.30 am is early on a Sunday morning in Mumbai !), suddenly entered the verdant landscape of the Borivli jungle with all its refreshing charm. We took the bike up to the junction of Shilonda trail and from there began ou...
Read more